Lallinn

Fyrsta Zagreb bloggið

Thu, 19 Feb 2009 20:18:48 GMT

Þetta blogg var löngu skrifað en það hefur tekið langan tíma að koma því á sinn stað vegna netvandamála, en nú ætti það að vera úr sögunni í bili J

Þá er ég búinn að vera í Zagreb í 2 vikur og so far líkar mér það bara mjög vel. Íbúðinn er betri og stærri en ég átti von á og staðsetningin er bara frábær. En ég er staðsettur á Radiceva sem liggur beint upp frá aðaltorginu Trg Bana Jelacica. Svo þarf ég aðeins að labba niður nokkrar tröppur og þá er ég komin á flotta kaffihúsagötu Tkalciceva. Semsagt, ég er í góðum gír. Reyndar er ég strax farinn að hafa áhyggjur af því að leið mín liggi beinustu leið á Vog þegar ég kem heim og allt í þágu buddunnar. Hér er það nefnilega aðeins ódýrara fyrir mig að drekka bjór með matnum heldur en vatn og gos J

Fyrsta kvöldið mitt hérna var haldið stórt partý á Trg Bana Jelacica mér til heiðurs , þar sem meðal annars var sjónvarpað frá úrslitaleiknum á HM í handbolta. Það hafði náttúrulega ekkert með það að gera að Króatía var að spila. Það kom málinu ekkert við. Ég var reyndar veikur fyrsta daginn minn hérna en ég lét það ekki stoppa mig, fyrst að þeir voru búnir að hafa svona mikið fyrir mér J

Ég hef kynnst fínu fólki í gegnum vinnuna og er strax kominn með 4 Króatíska fésbókarvini. Stefnan er að fá 50 þannig að þetta gæti tekist ef viljinn er fyrir hendi.

Á fimmta degi fór ég í fyrsta partýið hérna úti en það var haldið í u.þ.b. 30 fermetra holu á stúdentagarði hér í Zagreb. En mér var boðið í þetta partý af systur vinnufélaga míns. Boðið kom í kjölfar þess að ég fór í heimsókn í eitt Livia apótekið í molli hér í borg. En tilefni heimsóknarinnar var sú að í apótekið var mættur franskur make-up artist sem var að kynna einhverja snyrtivörulínu. Hann hét Eduardo og mér til mikillar undrunar þá var hann þveröfugur. Hver hefði trúað því ?

Fyrstu helgina ætlaði ég að túristast vel og duglega en svo var rigning og almenn leti í gangi þannig að lítið varð af því. Ég fór nú samt á eitt safn, Natural History museum, það var mjög spes svo ekki sé meira sagt.

Helgi númer 2 var nokkuð góð en þá var mér boðið í sveitaferð. Hjónin sem ég vinn hjá eiga hús í sveitinni nálægt Zagreb og þau buðu mér með yfir helgina. Þar var mikið étið og jafnvel meira drukkið. Það er mikil vínframleiðsla þarna í þorpunum þarna og því er bara keypt vín beint af framleiðandanum.

Fyrir þá sem vilja sjá einhverjar myndir þá verða þær á fésbókinni.

Blogg ? Hvað er nú það ?

Mon, 22 Sep 2008 20:43:06 GMT

Gjúggíborg. Vá hvað er langt síðan að ég hef nennt eða haft tíma til þess að skrifa eitthvað á þessa síðu. Síðast reyndi ég að blogga eftir að ég kom frá Þýskaralandi, ég skrifaði einhvern langhund sem fór aldrei inn þar sem myndirnar sem áttu að fylgja með neituðu að fara inn á netið. En síðan þá er ég nú búinn að fara aftur til útlanda þannig að ég nenni nú ekki að taka 2 útlandafærslur í einu og læt það bara vera. Blogga stutt um Berlín núna en kem kannski með hitt seinna, stutt og laggott :)

Berlín :

Nú get ég víst dáið sæll og glaður þar sem ég er loksins búinn að fara á Radiohead tónleika. Enn þann 8 júlí síðastliðin fór ég í pílagrímsför til Berlínar ásamt Jóhannesi til að berja goðin mín augum. Það þarf nú ekkert að ræða þetta neitt í þaula þar sem þetta var að sjálfsögðu frábært eins og við var að búast. Til að gera langa sögu stutta, hér er setlistinn :

15 step – In rainbows
Airbag – Ok Computer
There there – Hail to the thief
All I need – In Rainbows
Where I end and you begin – Hail to the thief
Nude – In Rainbows
Weird Fishes – In Rainbows
The Gloaming – Hail to the thief
Videotape – In Rainbows
No Surprises – Ok Computer
Jigsaw falling into place – In Rainbows
My iron lung – The Bends
A wolf at the door – Hail to the thief
Reckoner – In Rainbows
Everything in it´s right place – Kid A
Bangers and Mash – Af aukadisk sem ég fékk þegar ég keypti In rainbows á CD og vínyl.
Bodysnatchers – In Rainbows

Uppklapp 1
Cymbal Rush – Af Eraser, sólóplötu Thom Yorke
You and whose army – Amnesiac
Paranoid Android – Ok Computer
Dollars and cents – Amnesiac
Idioteque – Kid A

Uppklapp 2
House of cards – In rainbows
The national anthem – Kid A
Street Spirit (Fade out) – The Bends

Semsagt alveg geðveikt :) En hér koma svo nokkur stykki smekklegar myndir til að taka ferðina enn betur saman.

Lalli og Reichstag

What the fuck are you looking at ?

Einu bjórarnir sem drukknir voru í ferðinni !

Þessi var hress

Nei andskotinn hafi það, ég drakk 2

Ja ja Brandenburger, was is das ?

Jóhannes! Alltaf jafn smekkvís !

Á leið á tónleikana, sáttur við lífið.

Mættir á svæðið á góðum tíma.

Og þurftum því að bíða lengi þar til ballið byrjaði :)

Með tímanum fjölgaði fólki.

Í 3 lagi byrjaði að rigna

Steikurnar á Blockhouse voru yndi, enda fórum við 2svar þangað.

Ahhh, lovely :)

Í þessa myndaseríu vantar nú myndir af goðunum en það voru einmitt þær myndir plús fleiri sem ég lenti í bobba með. Einnig var ég með nokkur vídjó sem ég ætlaði að setja inn á youtube en endaði með að setja bara eitt. Ég ætla að setja þetta allt inn á fésbókina á næstunni fyrir þá sem hafa áhuga. En hér er linkur á eina myndbandið mitt sem er komið á youtube : http://www.youtube.com/watch?v=ZPhZu0ebYKQ

Að lokum við ég leggja það til að leikaðferðin Tjaldað í teignum verði bannfærð úr alþjóðlegri knattspyrnuiðkun.

Ronaldo fer frá United

Mon, 23 Jun 2008 17:32:06 GMT

Þetta myndband fannst mér alveg helvíti hressandi :haha:

http://uk.youtube.com/watch?v=9RsQg1dnwiY

Smá EM blogg

Wed, 18 Jun 2008 21:11:46 GMT

Ég var að enda við að glápa á Rússland taka þá sænsku í þennan óæðri og var bara mjög sáttur með það. Þetta var fyrsti leikurinn sem ég sá með Rússlandi og var ég bara nokkuð ánægður með þá, skemmtilegt lið. En ég held að þeir nái nú ekki lengra þar sem þeir mæta Hollandi í 8 liða úrslitum. Það voru einkum 2 menn sem ég var hrifinn af hjá Rússum en það voru þeir Arshavin og Zhirkov. Hvernig væri svo sú hugmynd að fá Arshavin í Liverpool, ég meina afhverju ekki ? Kannski væri hægt að gefa liðinu frá St. Pétursborg síðhærðu klámmyndastjörnuna með sem bónus.

Ég ætla svo opinberlega að leggja fram þá tillögu að Rúv hvíli Adolf Inga Erlingsson í þeim leikjum sem eftir eruúfff!!! Hann lætur Arnar Björnsson líta út sem heimsins besta íþróttafréttamann. Hann má reyndar eiga það að hann leiðréttir sjálfan sig en það gerir Arnar Björnsson yfirleitt aldrei.

Að lokum ætla ég að linka á fyndnasta Klovn atriði sem til er, ég bókstaflega grét af hlátri þegar ég sá þetta :
http://youtube.com/watch?v=vEBdjONWYsg

Nýr Lúkas ?

Tue, 03 Jun 2008 16:34:44 GMT

Mér sýnist nýtt Lúkasarmál vera í uppsiglingu hér á landi. Hér kvartar fólk og kveinar yfir því að lítill sætur bangsi hafi verið drepinn í köldu blóði. Jafnvel hvetja þeir þá sem skutu Bjössa að skjóta sjálfan sig. Svo er líka vælt yfir því að sýndar séu myndir af líkinu sem og drápinu sjálfu. Ætli það verði ekki einhverjar kertafleytingar á Tjörninni á næstu dögum ? Ég meina maður smyr sig.

En ég er með upplýsingar fyrir þá sem ekki vita, þetta var ekki lítill sætur bangsi, heldur var þetta víst ísbjörn. Ef að eitt stykki slíkur ísbjörn er á vappi nálægt minni heimabyggð þá fer ég fram á að ég sé varinn með öllum tilteknum ráðum og gildir engu um hvort hann sé drepinn eða ekki. Þetta er ekki mikið flóknara en það.

En ég er annars með fína tillögu, næst þegar svona bjössi kíkir á klakann þá getum við sent þessa vitleysinga til þess að klappa honum og gefa honum að að borða. Það gæti orðið áhugaverð útkoma :)

p.s. svo voru sumir snillingar sem vildu setja hann í Húsdýragarðinn, þá held ég að það sé nú skárra að vera dauður !

Arrrggghhh!!! Flóttamenn!!!!

Mon, 19 May 2008 20:07:47 GMT

Á leiðinni heim úr vinnunni núna áðan var ég að velta því fyrir mér hvað væri það heimskulegasta sem búið er að nota sem rök gegn komu palestínskra flóttamanna til Akraness. Það kom alveg askoti margt til greina. En svo áskotnaðist mér að hlusta á kvöldfréttir ríkissjónvarpsins á og þá komu vafalaust upp vitlausustu rökin sem munu koma fram í þessari umræðu.

Fréttamaður spyr einn bæjarbúa hvað honum finnist um þetta mál og er svar hans eftirfarandi :

“Mér finnst vera nóg af pólverum hérna fyrir. Maður nennir ekki að vera að fara á eina skemmtistaðinn hérna út af öllum þessum pólverjum þannig að maður á bara eftir að hætta að djamma alveg ef að þetta kemur. Þú veist, maður hefur ekkert á móti útlendingum, það er bara svo mikið af þessu.”

Það er nefnilega það!!! Ég vona að þetta hafi verið spaug, en maður veit nú aldrei.

Annars verð ég að linka inná eitt stykki frábæran pistil um þetta mál sem súmmerar allar mínar skoðanir á þessu : http://adaltutturnar.blogspot.com/2008/05/flttamenn.html

Stóra vörubílstjóramálið !

Wed, 23 Apr 2008 19:43:46 GMT

Varð að setja inn eitt stykki link þar sem maður með viti bloggar um þetta mál :

http://eyjan.is/hux/index.php/archives/370

Nú vona ég að þessir vitleysingar fari að hætta þessu, það er komið nóg.

Svör handa Bjarka Streatball og Rúfusinn

Wed, 16 Apr 2008 20:54:25 GMT

Síðastliðinn sunnudag fór ég á frábæra tónleika með Rufus Wainwright. Kappinn var einn á sviðinu og skiptist á að spila á flygil og gítar. Maðurinn er náttúrulega snillingur, frábær söngvari og píanóleikari. Hann tók nokkur frábær lög og þar má meðal annars nefna Going to a town, 11:11, Cigarettes and chocolate milk, Gay messiah, California, Gray gardens og Not ready to love. Hann endaði síðan tónleikana á því að taka Halleluja, en þess má til gamans geta að hann gleymdi textanum, en þá fór hann bara að hlæja og sagði eitthvað á þessa leið : Oh fuck, I don´t remember what´s next. Hann reddaði þessu þó fyrir horn þannig að það kom ekki að sök.

Hann átti það til að tala svolítið á milli laga og þar hrósaði hann okkur íslendingum fyrir það hvað við værum með flotta rassa. En ástæðan fyrir þessu hrósi var sú að hann hafði skellt sér í ræktina á sunnudaginn (geri ráð fyrir Laugum) og þar átti hann erfitt með að einbeita sér fyrir öllum heitu karlmönnunum sem þar spókuðu sig um.

Einnig fræddi hann okkur aðeins um fötin sem hann klæddist en það fór ekki framhjá neinum að hann var klæddur í forljótan jakka eða vesti. En hann tilkynnti tónleika gestum að þennan jakka hafði hann nýlega keypt í Noregi handa mömmu sinni og ákveðið að koma fram í honum á tónleikunum. Mjög spes fatasmekkur.

En nóg um þessa tónleika í bili og um að gera að fara að einbeita sér að þeim næstu sem eru Radiohead í Berlín. Einnig las ég í fyrradag að Damien Rice myndi kannski spila á Borgarfirði Eystri í sumar. Engin spurning um að skella sér þangað ef rétt reynist.

Við New York færsluna mína komu nokkrar spurningar frá honum Bjarka sem ég sé mig knúinn til að svara til að forðast allan misskilning. Því koma hér svör við þessum spurningum.

Hvernig náði blökkumaðurinn að vippa honum út og taka þig í rassgatið án þess að þú tækir eftir því?

Já þú meinar. En málið var nú kannski ekki alveg svona bókstaflegt. Heldur var það nú þannig að nokkrum blökkumönnum tókst að hafa mig og Hjört að algjörum fíflum og taka þannig af okkur þó nokkuð af aurum. Ég ætla ekki að fara nánar út í það þar sem ég var búinn að lofa að segja engum frá því hvernig þetta gerðist og ég hef staðið við það að mestu. Þú getur kannski dobblað Hjört til þess að segja þér frá þessu við gott tækifæri..

2. Hver var fallegi maðurinn á veitingastaðnum (því ef hann var ekki frægur að þá er þessi setning þín verulega gay)?

Þessi fallegi maður er nú ekki frægur svo ég viti, en hann ætti að vera það, svo fallegur var hann. Málið var líka þannig að þetta átti að hljóma frekar gay þar sem þessi maður bræddi okkur báða með lúkkinu einu saman. Við skömmumst okkar ekkert fyrir þetta enda vitum við að engin mannvera hefði staðist kynþokka þessa unga fola.

Hvað er að "að fá puttalinginn?" (ef það er að fá fuck merki... hvernig gat það verið hápunktur ferðarinnar)?

Maður þarf náttúrulega að vera sophistcated heimsborgari til að ná meiningunni í þessu en ég skal reyna að útskýra þetta betur. Þannig er mál með vexti að þegar maður fer á leiki með NYK þá er hægt að kaupa svona stóra apelsínugula hendi sem er í hí á þig stellingunni. Það er þetta sem ég kalla puttalinginn. Læt fylgja mynd með þér til glöggvunar.

Hvernig var myndavélinni stolið (hef þó "Grjóna" sterklega grunaðan)?

Úfff ég nenni varla að fara út í þetta skriflega þannig að ég skal gefa þér stutt svar en lengri útgáfuna færðu seinna. Það var ekki Grjóni sem stal henni enda veit ég ekki hver það er, en ef þú ert að meina Sigurjón þá var það heldur ekki hann. Málið var þannig að við gleymdum myndavélinni á bar. Barþjónnin tók myndavélina. Síðan kom blökkumaður að barborðinu og sagðist hafa gleymt myndavél og barþjónnin afhenti honum myndavélina. Þegar við komum aftur á staðinn þá var þrjóturinn nýstunginn af með allar myndirnar okkar og Lalli var ekki kátur kall.

Og síðasta spurningin ... hvað voru mörg lið sem tóku þátt í streatball mótinu á Sigló?

Ég man ekki hvað þau voru mörg en þau voru þó nokkur allavega. Þetta varð gríðarlegt bæjarhneyksli á sínum tíma og ekki voru allir á eitt sáttir.

Jæja Bjarki minn ég vona að þetta svari því sem þér brennur mest á hjarta, en ég er einnig með spurningu fyrir þig ? Núna er auglýsing á Íslandi þar sem fram kemur orðatiltækið : að vera tanaður í drasl. Er þetta ekki bara ný útfærsla á 2 ára gömlum Lalla frasa frá Cabo a.k.a : að brenna í drasl ? Er þetta ekki annars minn frasi ? Spyr sá sem ekki veit.

Auglýsing - Íbúð til leigu

Mon, 07 Apr 2008 20:40:05 GMT

Ég sá á blogginu hjá Sigurjóni að hann þarf hjálp við að leigja út íbúðina sína í sumar.
Þannig að ég ákvað að hjálpa kallinum aðeins og skella inn eins og einum link fyrir áhugasama. http://www.sigurjon.com/newyork/

Til að selja ykkur þessa íbúð ennþá betur þá má taka það fram að ég hef komið inn í hana. Úúúúúú, þess virði að skella á hana auka 5000 kr.

p.s. Áfram Liverpool

New York blogg

Thu, 20 Mar 2008 13:07:52 GMT

Þá er maður kominn aftur úr heimsreisunni til Nýju Jórvíkur, er reyndar löngu kominn en það tekur tíma að melta svona ferð og lýsa henni í orðum. En eins og flestir vita héldum við Hjörtur í þennan leiðangur með það að markmiði að táldraga amerískar yngismeyjar og festa ljósmynd af þessum svokölluðu krakkmellum. Semsagt mjög menningarlegt Til að gera langa sögu stutta þá gekk ekkert af þessu eftir en það er ekki þar með sagt að ferðin hafi verið ónýt. Til að mynda vorum við teknir ósmurðir í þann óæðri af blökkumönnum og börðum augum okkar á fyrirbæri sem ég vissi ekki einu sinni að væri til en það eru svokallaðar bílamellur.

En til að segja aðeins meira frá ferðinni er best að byrja á byrjuninni. Einu sinni var þann 1 febrúar árið 2008 héldu ungir íslenskitr hillbillies til New York. Þeir hétu Hjörtur frá Hornafirði og Lalli frá Sigló. Flugferðin sjálf var þó nokkuð merkileg fyrir þær sakir að með í för var kolklikkað lið sem samanstóð af litlum fituhlunk sem virtist vera tvífari Péturs Jóhanns, leiftrandi samkynhneigðum hýrum homma og 2 sjúskuðum kerlingum. Hegðun þessa fólks varð til þess að sophisticated heimsborgararnir Lalli og Hjörtur horfðu oft á hvorn annan og hristu höfuðið. Þegar lent var á JFK kom í ljós að það voru stórstjörnur með okkur í vélinni. Það er mjög skrítið að það hafi farið fram hjá okkur enda engin smástirni þarna á ferð. En ég er að tala um íslenska tímamótabandið Snooze. Hver man ekki eftir lögum eins og Taktu mig, taktu mig og Förum alla leið (lesist með rödd mannsins úr vörutorginu).

Fyrsta dagurinn okkar í júessandei var dæmigerður fyrir sveitadrengi í stórborginni.Við skelltum okkur í Empire State bygginguna þar sem við ætluðum að sjálfsögðu að fara upp á topp og skoða útsýnið. En einnig ætluðum við að festa kaup á svokölluðum borgarpassa sem veitir manni aðgang að ýmsum söfnum og skoðunarferðum. Það var sko hægara sagt en gert þar sem mér leið eins og Ástríki þegar hann þurfti að fá eyðublað 848 í þrautunum 12. En við fórum upp og niður og til hægri vinstri og þrisvar í gegnum öryggistékkið áður en við fundum loksins sölubásinn fyrir passana. Þegar við vorum búnir að fá passana í hendurnar skelltum við okkur aftur í röðina fyrir öryggistékkið og miðakaup. En okkur til ómældrar ánægju var okkur sagt að til þess að fá aðgangsmiða fyrir toppinn þyrftum við að fara aftur á 1 hæð byggingarinnar. Arrrggghhhh !!!! En við komumst þó á toppinn á endanum.

En til að hafa þetta ekki lengst blogg ever þá kemur hér nett upptalning á því sem gert var í New York :

- farið í Empire State

- farið í sightseeing á 2 hæða strætó

- tekinn góður göngutúr í Central Park, við treystum okkur ekki til þess að leigja okkur saman rómantíska ökuferð í hestakerru.

- farið í the Met (skilgr. það sem gáfaða fólkið kallar the metropolitan museum of arts)

- farið í American museum of natural history þar sem meðal annars mátti sjá uppstoppaða indíana, kínverja og aðrar slíkar þjóðsagnapersónur.

- Farið á sýningu sem kallast the bodies, þar er uppstoppað fólk í raun og veru, ef þið trúið ekki kíkið þá á þessa síðu : www.bodiestheexhibition.com

- Farið var í bíó þar sem við sáum nýóskarsverðlaunaða kvikindið : ekki staður fyrir gamlingja (ég er ekki að grínast með þetta en svona þýddi RUV No country for old men). Þar fer Javier Bardem á kostum sem vægast sagt bad ass motherfucker. Greinilegt að hann er komin langa leið frá því að leika samkynhneigð ljóðskáld.

- Times Square var þrætt þó nokkuð oft, þar sem skoðaðar voru hinar ýmsu búðir.

- Farið var í þyrluflug sem var alveg helvíti magnað.

- Rölt var yfir Manhattan og Broooklyn brýrnar.

- Ekki var farið í Harlem til að skora á blámannin í streetball þrátt fyrir að ég hafi nú eitt sinn lent í verðlaunasæti á slíku móti á Siglufirði in the good old days.

- Farið var í júðabúðina B og H sem er eflaust ein stærsta og skrítnasta raftækjabúð sem ég hef farið í.

- Við fórum á geðveikt heitan veitingastað sem heitir Tao, flottur staður, góður matur og fallegt fólk. Það sem stóð uppúr þarna er að ég og Hjörtur sáum fallegasta karlmann sem við höfum séð um ævi okkar.

- Fórum út að borða á Rainbow room sem er á 64 hæð í Rockafeller Center. Þessi staður er í raun og veru ekkert nema nafnið og útsýnið. Maturinn fínn en verðlagið kannski svolítið hátt.

- Röltum í Kínahverfinu þar sem við skildum ekki boffs af því sem fólkið var að segja. Sumir fengu þó útrás fyrir blæti.

- Sjoppuðum í SoHo

- Tókum mynd af okkur við eistun á nautinu í Wall Street

- Fórum á Ground Zero.

- Við kíktum í Frelsisstyttuna

- Fórum á körfuboltaleik þar sem Knicks töpuðu fyrir Spurs í uppbótartíma. Hápunktur þeirrar ferðar var þegar ég fékk puttalinginn.

- Hittum Sigurjón og mér virtist það ómögulegt að kalla hann ekki Grjóna.

Þar sem að ég er mjög myndaglaður bloggari þá eru eflaust sumir sem velta því fyrir sér afhverju ég set engar myndir úr ferðinni inn á bloggið. En svarið við því er ósköp einfalt, því að sjálfsögðu létu sveitamennirnir ræna henni af sér. Já það getur verið erfitt að vera smáborgari í heimsborgaraleik.

Jæja þá er ég farinn......

Fri, 01 Feb 2008 12:30:33 GMT

........til New York!!!!!!!!!

Svona ef einhver hefur gleymt því!

Fri, 25 Jan 2008 15:56:20 GMT

Þetta er sérstaklega sett in fyrir tilvonandi feður í vinahópnum mínum.

Nýr meirihluti !

Mon, 21 Jan 2008 18:42:36 GMT

Jahérna hvað ætli þessi lafi lengi. Allavega eigum við kjósendur skilið að fá að kjósa aftur þegar þessi springur.

Merry new year !!!!!!

Tue, 08 Jan 2008 22:07:44 GMT

Hó hó og gleðilegt nýtt ár og takk fyrir þau gömlu.

Ég á til með að blogga aðeins um klósettpappírinn sem barst í hús til okkar Reykvíkinga í dag. Þegar ég sá þetta fyrst hélt ég að þetta væri auglýsingapési sem hefði legið falinn í póstinum í rúmlega 2 ár. En viti menn, við nánari athugun kom í ljós að þetta var glænýtt og sennilega ekki í ódýrari kantinum. Ég rýndi aðeins betur í þetta og rak glyrnurnar í undirfyrirsögnina : Fréttabréf borgarstjórnarflokks Sjálfstæðisflokksins í Reykjavík. Djöfull hló ég þegar ég sá þetta splunkunýja kvikindi sem búið var að brjóta sér leið inn á vel flest heimili í borginni. Og þar sem þetta var svo fyndið þá varð ég að kippa þessu með upp í íbúð til að skoða nánar og að sjálfsögðu brosa illkvitnislega yfir. Þessir sjallaratar eru búnir að drulla svo allsvaðalega upp á bak að flokkurinn þarf að eyða peningum í að skeina þeim með einhverjum dýrasta og gagnslausasta klósettpappír sem sögur fara af í íslenskri sögu. En það sem er líka ánægjulegt við þetta er að borgarfulltrúar frelsisins virðast vera búnir að setja upp broshugbúnaðinn enn á ný eftir að alþjóð sá síðustu uppfærslu brenna yfir um á tröppunum hjá Villta Villa fyrr í vetur. Þegar ég byrjaði að fletta í gegnum þetta þá byrjaði ég að leita eftir ákveðnu uppgjöri þeirra við REI málið sem snerist um eitthvað annað en að þetta væri allt Bingó Bjössa að kenna. En allt kom fyrir ekki, það er ekki minnst einu orði á þetta klúður. Hvernig geta þeir leyft sér að bera þennan ósóma út í hús hjá fólki án þess að viti bornir einstaklingar átti sig á hversu aumt þetta yfirklór í raun og veru er. En það sem fólk getur aftur á móti treyst á að þarna er að finna létt R-lista yfirdrull í boð Gísla Marteins og fleiri mætra manna.

Þegar ég hélt að ég hefði lokið mér af að hlæja af þessum elskum þá mættu yfirstrumparnir Vill og Gill í Ísland í dag og héldu því fram að þessi bæklingur hefði nú ekkert sérlega mikið með REI klúðrið að gera. Ha ha ha ha, kanntu annan ? Svo barst talið að því hvort Villi væri í miðjunni á forsíðunni til þess að styrkja stöðu hans sem foringja flokksins en þá komu kumpánarnir frá fjöllum. Könnuðust ekki við neitt og sögðu þetta vera tilviljun hvernig fólki var stillt upp þarna. Ha ha ha ha ha ha ha, halda þeir að fólk sé fífl !!! Að sjálfsögðu eru svona myndir alltaf útpældar hvað varðar uppstillingar og framsetningu, þannig eru stjórnmál, eitt stórt sjónarspil og þar skipta auglýsingar ansi miklu. Sérstaklega eftir opinbert og stórt bakuppádrull. Jæja en nóg um þennan góða og gilda bækling og tími til kominn að setja hann þar sem hann á heima, við hliðina á klósettinu. Þar mun hann í það minnst geta skeint 1-2 manneskjum með góðum árangri.

Úr því að ég hef aldrei bloggað um þetta REI mál þá er tilvalið að segja svolítið sem ég ætlaði að segja á þeim tíma : Til hamingju með nýja borgarstjórann !!!! Það má vel vera að hann tali mikið um ekki neitt en hann mun þó aldrei grobba sig af flíspeysu frá Yoko Ono á meðan miðbærinn brennur í bakgrunn. Svo má ekki gleyma því að hann er svo askoti myndarlegur drengskrattinn !!!!

Að lokum verður maður að koma með smá áramótauppgjör í tónlist og kvikmyndum, en það er um að gera að nefna 5 bestu plötur og kvikmyndir sem ég heyrði og sá á síðasta ári.

5 bestu plöturnar :

The Arcade Fire – Neon Bible

Radiohead – In Rainbows

Interpol – Our Love To Admire

Smashing Pumpkins – Zeitgeist

Rufus Wainwright – Release the stars

5 bestu myndirnar :

Zodiac

Blood Diamond

Michael Clayton

Pan´s Labyrinth

Eastern promises

Jæja gott í bili ég ætla að fara að láta mér hlakka til fyrstu bústaðarferðar Bibba Tíkalls og New York ferðarinnar 1 .Feb.

p.s. Ég er búinn að kaupa miða á Radiohead tónleika í Berlín í sumar J

Rúfus og Bjólfur

Thu, 06 Dec 2007 21:37:31 GMT

Rufus Wainwright

Jæja þá er maður búinn að fá miða á Rúfusinn og tilbúinn að planta sér á 11 bekk í Háskólabíóinu þann 14 apríl á næsta ári. Mér finnst þetta alveg frábært og hlakka mikið til enda átti ég ekki von á að fá þennan kappa til landsins. En hann er væntanlega vinsælli hér en ég gerði ráð fyrir. Fyrir þá sem ekki þekkja kvikindið vil ég biðja um að kynna sér plöturnar Want One og nýjustu plötuna Release the Stars. Gæðamúsik hér á ferð með örlítinn snert af sönleikjafíling, dramatík og tilheyrandi samkynhneigð.

Hér koma 3 lifandi myndbönd með kappanum, það síðasta hef ég nú linkað inn áður en geri það aftur í tilefni dagsins.

http://www.youtube.com/watch?v=a8xzi6TwlAI

http://www.youtube.com/watch?v=AYb5vyBuD3E

http://www.youtube.com/watch?v=JqRxi6G7Dro

Svo ber einnig að nefna mæspeisið þar sem heyra má 4 Rúfusar lög :http://www.myspace.com/rufuswainwright

Í þar síðustu færslu vildi Íbbi að ég setti á netið myndir úr innflutningspartýinu mínu og ég ætla að verða við þessari áskorun enda er Íbbi meðfélagi minn í Koníaksklúbbnum Bibba-Tíkall. Þetta verður komið inn seinna í kvöld undir Myndir hér til vinstri. Einnig verða nokkrar myndir úr litla lybbapartýinu sem við héldum.

Fór á Beowulf í gær og var bara nokkuð sáttur. Helvíti töff að sjá loksins þrívíddarbíó og svo fannst mér allt dreka atriðið ótrúlega flott. Þar sem ég á hina hálfíslensku Bjólfskviðu á flakkaranum ætla ég að kíkja á hana við tækifæri. Hef reyndar heyrt að hún sé hörmung en sakar ekki að tjékka á henni J

Set inn eina mynd af mér á afmælisdeginum mínum, þarna er ég að fá afhenda gjöfina frá Önnu sem var PES 2008. En eins og Anna segir þá lít ég út eins og 6 ára stelpa á þessari mynd.

Er ég ekki sæt ?